எலுமிச்சை கலந்த நீர் குடிச்சா உங்க உடம்புல என்ன மாற்றம் நடக்கும் தெரியுமா? இனிமே குடிங்க!

 எலுமிச்சை கலந்த நீர் குடிச்சா உங்க உடம்புல என்ன மாற்றம் நடக்கும் தெரியுமா? இனிமே குடிங்க!

தினமும் தான் தண்ணி குடிக்கிறோம். ஆனா எலுமிச்சை சேர்த்து குடிச்சா உடம்பில் உண்டாகும் மாற்றங்கள் அற்புதமானவை. அதை தான் தெரிந்துகொள்ள போகிறோம்.

எலுமிச்சை ஆரோக்கியமானது. எலுமிச்சை சாறை தண்ணீரில் கலந்து குடித்தால் அது ஆரோக்கியத்தை உண்டாக்குமா? என்ன மாதிரியான நன்மைகளை உடலுக்கு அளிக்கும் என்பது குறித்து சிறிய ஆய்வுகளும் உண்டு. தினமும் காலையில் டீ, காஃபிக்கு பதிலாக எலுமிச்சை நீரோடுதான் பலரும் தங்களது நாளை தொடங்குகிறார்கள்.

எலுமிச்சை நீர் மிக முக்கியமாக சருமத்தில் அதிக தாக்கத்தை உண்டாக்கும். அதாவது அதீத நன்மை செய்யும். எலுமிச்சை வைட்டமி சி, வைட்டமின் ஏ, பீட்டா கரோட்டின், ஃபோலேட், கால்சியம் மற்றும் பொட்டாசியம் நிறைந்த சிறந்த மூலம். இது நார்ச்சத்து மற்றும் பைடோ நியூட்ரியண்ட்ஸ் கொண்டுள்ளது. இது ஆரோக்கியத்துக்கும், நோய் எதிர்ப்பு சக்திக்கும் துணைபுரிகிறது.

இது உடலில் இருக்கும் நச்சுக்களையும் அகற்ற உதவுகிறது.குறைந்த கலோரிகள் மற்றும் கார்போஹைட்ரேட்டுகள் குறைவாக உள்ளது. எலுமிச்சை நீர் உடலுக்குள் என்ன விதமான மாற்றங்களை உண்டாக்குகிறது என்று பார்க்கலாம்?

​உடலில் நீரேற்றத்தை தக்கவைக்கிறது

உடலில் நீர்ச்சத்து குறையாமல் பார்த்துகொள்ள வேண்டும் என்று பல கட்டுரைகளிலும் அறிவுறுத்துவதுண்டு. உணவு மற்றும் ஊட்டச்சத்து வாரியத்தின் படி பெண்கள் நாள் ப்ன்றுக்கு 91 அவுன்ஸ் ஆண்கள் 125 அவுன்ஸ் நீர் எடுத்துகொள்ள வேண்டும் என்று சொல்லப்படுகிறது. இது குடிக்கும் நீரை தாண்டி உணவு மற்றும் குடிக்கும் பானங்களிலிருக்கும் நீரும் அடங்கும்.

தினமும் 4 பிஸ்தா பருப்பு சாப்பிடுங்க, உடம்புல இந்த மாற்றம் எல்லாம் ஆரோக்கியமாக நடக்கும்!

எலுமிச்சை சேர்த்த நீர் தண்ணீரின் சுவையை அதிகரிக்க செய்கிறது. மிதமான சாறு கலந்த நீர் உங்களை அதிகமாகவே குடிக்க தூண்டுகிறது. இதை பருகும் போது நீங்களே உணர்வீர்கள்.

​உடல் எடையை குறைக்க செய்யும்

தினமும் எலுமிச்சை நீரை குடிப்பது உடல் எடையை ஆரோக்கியமாக குறைக்க உதவும். உண்ணும் உணவில் கலோரிகளை குறைத்து எடுக்கும் போது எடை இழப்பும் சாத்தியமாகிறது. எலுமிச்சை சேர்த்த நீர் பசி உணர்வை குறைப்பதால் அதிகமாக சாப்பிட வேண்டும் என்னும் எண்ணம் உண்டாகாது.

சாப்பிடுவதற்கு முன்பு தண்ணீர் குடிப்பது உணவு உட்கொள்ளும் கலோரி அளவை குறைப்பதாக ஆய்வு ஒன்றில் நிரூபிக்கப்பட்டுள்ளது. இது குறித்து ஐரோப்பிய மருத்துவ இதழ் வெளியிட்ட ஆய்வு ஒன்றின்படி உணவோடு இரண்டு டம்ளர் தண்ணீர் குடிப்பதல் பசி உணர்வு குறைந்து வயிறு நிறைந்த உணர்வு உண்டாகும் என்கிறது.

தண்ணீரின் மூலமே இந்த நன்மைகளை பெறமுடியும் என்றாலும் எலுமிச்சை நீர் அதிக கலோரி பானங்களுக்கு மாற்றாக சுவையாக இருக்கும். நீரிழிப்பு உண்டாகும் போது பசி உணர்வு அதிகரிக்க செய்யும். ஆனால் எலுமிச்சை நீர் நீரிழைப்பையும் தடுப்பதா இது எடை குறைப்பில் சிறப்பாக கைகொடுக்கும்.

​நோயெதிர்ப்பை வலுப்படுத்துகிறது

எலுமிச்சை நீர் உடலில் நோயெதிர்ப்பு சக்தியை அதிகரிக்க செய்கிறது. இது தொற்றுநோயை குணப்படுத்தாது என்றாலும் ஆரோக்கியம் மற்றும் ஊட்டச்சத்து நல்வாழ்வை மேம்படுத்துவதி இவை முக்கிய பங்கு வகிக்கிறது. எலுமிச்சை வைட்டமின் சி நிறைந்த மூலம் என்பதால் இது நோயெதிர்ப்பு மண்டல செயல்பாட்டுக்கு முக்கியமானது. 2009 ஆம் ஆண்டு பிரிட்டிஷ் ஜர்னல் ஆஃப் நியூட்ரிஷன் வெளியிட்ட ஆய்வு ஒன்றில் வைட்டமின் சி ஆனது ஜலதோஷம் பிடிக்கும் வாய்ப்புகளை குறைக்க உதவும் என்று பரிந்துரை செய்துள்ளது.

ஜெர்மன் விஞ்ஞான இதழ் ஒன்றிலும் வைட்டமின் சி ஜலதோஷத்தின் காலத்தில் சிறிது குறைக்க செய்யும் என்பதை நிரூபித்துள்ளது. 2017 ஆம் ஆண்டு ஊட்டச்சத்துகளில் வெளியிடப்பட்ட ஆய்வு ஒன்றில் தொற்று நோய்களுக்கு சிகிச்சையளிப்பதில் தேவையான வைட்டமினில் வைட்டமின் சி ஆனது கணிசமாக அதிகமாக உள்ளது என்று பரிந்துரை செய்யப்பட்டுள்ளது.

ஏனெனில் இது சக்திவாய்ந்த ஆக்ஸிஜனேற்றியாக செயல்படுவதோடு உடலில் ஃப்ரீ ரேடிக்கல்களை எதிர்த்து போராடவும் செய்கிறது.

​புத்துணர்ச்சியான சுவாசம்

எலுமிச்சை சாறில் உள்ள அமிலத்தன்மை உமிழ்நீர் சுரப்பில் அதிக உமிழ்நீரை உற்பத்தி செய்கிறது. இதனால் வாய் வறட்சியை கொண்டிருந்து அங்கு இருக்கும் துர்நற்றத்தை போக்கும் கெட்ட பாக்டீரியாவை அழிக்க செய்கிறது. எலுமிச்சை சாறு ஈ,கோலை காலராவுக்கு காரணமான பாக்டீரியாக்களின் வளர்ச்சியை தடுக்கும் என்று நிரூபிக்கப்பட்டுள்ளது.

கடினமான மசாலா வாசனை உணவுக்கு பிறகு ஒரு டம்ளர் எலுமிச்சைநீர் குடிப்பது வாய் துர்நாற்றத்துக்கு சிகிச்சை அளிக்க உதவும். வாய் துர்நாற்றம் இருப்பவர்கள் தொடர்ந்து எலுமிச்சை நீர் குடித்துவந்தால் துர்நாற்றம் நீங்கும்.

எலுமிச்சை சேர்த்த நீர் அமிலத்தன்மை கொண்டிருப்பதால் இது பற்களை சிதைக்கவும் வாய்ப்புண்டு. பற்களின் நிறம் மாறி அதிக உணர்திறன் கொண்டதாக பற்கூச்சம் போன்றவற்றையும் கொள்ளலாம். எனினும் மிதமான அளவு சேர்த்த நீரை பற்கள் படாமல் உறிஞ்சு குடிப்பது பாதுகாப்பானது. எலுமிச்சை நீர் குடித்ததும் வாயை கொப்புளிப்பதன் மூலம் அமிலம் பற்களில் படியாமல் காக்கலாம்.

​நாளின் முழுமையான ஆரோக்கிய பானம்

நாளின் தொடக்கத்தில் எலுமிச்சைசாறு குடிப்பது நீங்கள் தினசரி செய்யும் தியானம் அல்லது யோகாவுக்கு இணையானதாக இருக்கும். உண்மை உமிழ்நீரோடு ருசித்து குடிக்கும் எலுமிச்சை நீர் நாள் முழுக்க உங்கள் நினைவாற்றலை மீட்டு தரும் ஒரு பயிற்சி.

சிறுநீரக கல்: ஆரம்பமும் அறிகுறியும் பிரச்சனைகளும் தீர்வுகளும்

ஆயுர்வேத மருத்துவத்தில் எலுமிச்சை நீர் குடிப்பது முக்கிய சிகிச்சையாகவே இருந்து வருகிறது. நாள் முழுவதும் ஆரோக்கியமாக புத்துணர்ச்சியாக உலாவர இது உதவுகிறது.

​சிறுநீரக கற்களை தடுக்கும்

சிறுநீரக கற்கள் தாதுக்கள், உப்புகள் போன்றவற்றால் ஆனது. மோசமான உணவு அல்லது நீரிழப்பு காரணமாக இது உருவாகிறது இந்த கற்கள் உண்டாக்கும் வலியும் வெளியேறும் போதும் அதிக உபாதையை தரக்கூடியது.

எலுமிச்சை நீர் சிறுநீரக கற்களை தடுக்கும். சிறுநீர் கற்களை தடுக்க செய்யும். சிறிய கற்களை உடைக்க கூடும் அல்லது வெளியேற்றவோ உதவும். எலுமிச்சையில் மற்ற பழங்களை காட்டிலும் சிட்ரிக் அமிலம் அதிகமாக உள்ளது. இந்த சிட்ரிக் அமிலமானது சிறுநீரை முழுவதுமாக வெளியேற்ற உதவுகிறது.

சிறுநீரக கற்களுக்கு சிட்ரிக் அமிலம் மருந்துகள் தரும் நிலையில் இயற்கையாகவே எலுமிச்சையில் கிடைக்கும் போது அதை பயன்படுத்துவதன் மூலம் சிறுநீரக கற்கள் வராமல் தடுக்க முடியும். ஏனெனில் எலுமிச்சையில் இருக்கும் சிட்ரேட் சிறுநீரை குறைந்த அமிலமாக்கி வெளியேற்றுகிறது.

​குடல் ஆரோக்கியத்தை மேம்படுத்தும்

எலுமிச்சை நீர் குடல் ஆரோக்கியத்தை மேம்படுத்தும். விஞ்ஞான அறிக்கைகளில் 2017 ஆம் ஆண்டு மேற்கொண்ட ஆய்வில் எலுமிச்சை சாறு எடுத்துகொள்வது குடல் ஆரோக்கியத்தை மேம்படுத்த உதவும் என்று பரிந்துரை செய்யப்பட்டுள்ளது. உடலில் குடல் உறுப்பு சீராக இருக்கும் போது குடலில் இருக்கும் நல்ல பாக்டீரியாக்கள் உடலுக்கு நன்மை செய்கிறது. செரிமான மண்டலம் ஆரோக்கியமாக இருந்தாலே பல நோய்கள் நெருங்காமல் தவிர்க்கலாம்.

ஆயுர்வேதம் எலுமிச்சையில் இருக்கும் புளிப்பு சுவை உணவை எளிதில் ஜீரணிக்க உதவுகிறது. உணவில் இருக்கும் நச்சுகள் உடலில் தேங்காமல் வெளியேற்றவும் உதவுகிறது. காலையில் ஒரு டம்ளர் நீர் குடித்தாலே போதும் உங்கள் செரிமான அமைப்பு துண்டப்படும். கூடுதலாக மலச்சிக்கல் இல்லாமல் மலமிளக்கியாகவும் செயல்படும்.

​இதய நோய் அபாயத்தை குறைக்கலாம்

2012 ஆம் ஆண்டு அமெரிக்கன் ஜர்னல் ஆஃப் க்ளினிக்கல் நியூட்ரிஷியன் வெளியிடப்பட்ட ஆய்வில் வைட்டமின் சி நிறைந்த எலுமிச்சை ரத்த அழுத்தத்தை குறைக்க உதவும் என்று நிரூபிக்கப்பட்டுள்ளது. நீங்கள் குடிக்கும் எலுமிச்சை நீர் உயர் ரத்த அழுத்த அபாயத்தை குறைக்க செய்யும்.

உலக உயர் ரத்த அழுத்த தினம் 2020: கட்டுக்குள் வைக்க என்ன செய்யணும்னு தெரிஞ்சுக்கங்க!

இதய நோயில் மோசமானது மாரடைப்பு. இது இறப்புக்கான அபாயத்தை கொண்டிருக்கும் நோயும் கூட. இதற்கு மிக முக்கிய காரணம் உயர் ரத்த அழுத்தம். தினமும் எலுமிச்சை நீரை குடித்து வந்தால் இதய நோய் அபாயத்தை குறைக்கலாம். எலுமிச்சை ரத்த அழுத்தத்தை குறைக்க செய்யும்.

​பக்கவாதம் குறையும்

உலகளவில் இதய நோய் போன்று பக்கவாதமும் இறப்பை உண்டாக்குவதாக உலக சுகாதார நிறுவனம் தெரிவித்துள்ளது. பக்கவாதம் என்பது மூளைக்கு ரத்த விநியோகம் செய்வதில் உள்ள குறைபாட்டை உணர்த்துவது. இது எந்த வயதினரையும் தாக்க கூடும். பக்கவாதம் ஏற்படுத்தும் வயதுக்கேற்ப ஆபத்து அதிகரிக்க செய்கிறது. பக்கவாதம் நிரந்தர இயலாமை அல்லது மரணத்தை உண்டாக்ககூடிய ஆபத்தான நோய் என்று சொல்லலாம்.

அமெரிக்க மருத்துவ சங்க இதழில் 2013 ஆம் ஆண்டு வெளியிடப்பட்ட ஆய்வில் வைட்டமின் சி உயர் ரத்த அழுத்த பக்கவாதத்துடன் உண்டாக்கும் அபாயத்தை குறைப்பதாக கூறியுள்ளது. உயர் ரத்த அழுத்தம் பக்கவாதத்தை உண்டாக்கும் காரணங்களில் முக்கியமானவை.

எலுமிச்சை வைட்டமின் சி மற்றும் ஃபோலிக் அமிலம் கொண்டுள்ளது. இது பக்கவாதத்துக்கு எதிராக மிதமான பாதுகாப்பை வழங்குகிறது என்று ஐரோப்பிய மருத்துவ இதழ் 2010 ஆம் ஆண்டு தெரிவிக்கப்பட்டுள்ளது.

​எலுமிச்சை நீர் தயாரிப்பு

இது என்ன பிரமாதம் எலுமிச்சையை கசக்கி பிழிந்து நீரில் வடிகட்டினால் போதும் என்று நினைக்க வேண்டாம். எலுமிச்சை நீரை தினமும் தயாரிப்பது நல்லது. எலுமிச்சை ஆர்கானிக் ஆக இருந்தால் பலனும் முழுமையாக கிடைக்கும்.

எலுமிச்சை தோலில் பொடி செய்து பயன்படுத்தினால் ஏராளமான அழகு தருமாமே!

எலுமிச்சையை நறுக்கி பாதி பழத்தை 8 அவுன்ஸ் நீரில் வெந்நீர் அல்லது குளிர்ந்த நீரில் பிழிந்து தேவையெனில் வடிகட்டி கொள்ளவும். உங்களுக்கு இன்னும் கொஞ்சம் சுவை தேவையெனில் புதினா இலை, இலவங்கப்பட்டை ஒன்று, மஞ்சள் தூள் சிட்டிகை, இதனோடு வெள்ளரி துண்டுகள் மேலும் சிட்ரஸ் நிறைந்த பழத்துண்டுகளை சேர்த்து குடிக்கலாம். வெறுமனே எலுமிச்சை பிழிந்து குடித்தாலே சுவை நன்றாக இருக்கும்.

இதையெல்லாம் தாண்டி சருமத்துக்கு மிக அதிக நன்மை செய்யுமாம். இதை தனியாகவே பார்க்கலாம்.